Тйәнәнмен вәқәсидә пәрзәнтлиридин айрилған анилар хитай һөкүмитидин тйәнәнмән вәқәсини ақлашни тәләп қилди

1989-Йилдики оқуғучилар намайишини хитай һөкүмитиниң қанлиқ бастурушида пәрзәнтлиридин айрилғанлардин диң зилин қатарлиқ 127 нәпәр ана, хитай һөкүмитигә имзалиқ хәт йезип, 1989-йилдики тйәнәнмен вәқәсидә уруқ-туғқанлиридин айрилғанларға төләм беришни, һәм әйни чағдики вәқәниң тәпсилатини дуняға ашкарилашни тәләп қилди.
Мухбиримиз меһрибан
2011.05.31

Хитай һөкүмити 1989-йили яз пәслидә йүз бәргән оқуғучиларниң демократийини тәләп қилиш намайишини, “әксийәтчил һәрикәт” дегән баһанидә, шу йили 4-июн күни сәһәрдә һәрбий қошунларни йөткәп келип, танка қатарлиқ еғир қораллар билән бастурған иди. Әйни чағда хитай һөкүмәт мәтбуатлири вәқәдә өлгүчиләрни 203 нәпәр дәп елан қилған иди.

“тйәнәнмен анилириниң имзалиқ хети” дәп аталған бу тәләпнамә, 1989-йилдики 4-июн вәқәсиниң 22 йиллиқи мәзгилидә елан қилинған болуп, хитай һөкүмити һазирға қәдәр “тйәнәнмен вәқәси” ни “хитай һөкүмитигә қарши бир қетимлиқ ағдурмичилиқ һәрикити” дәп әйибләп кәлмәктә.

Тйәнәнмен анилириниң илгири сүрүшичә, хитай һөкүмити уларға төләм пули беришни оттуриға қойған, бирақ вәқәни ашкарилашни вә өлгүчиләрдин әпу сорашни рәт қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.