Jüme küni yene ikki tibetlik özige ot qoyup, xitay hökümitige naraziliq bildürgen

Tibet teshkilatlirining bildürüshiche, sichüenning tibet rayonida jüme küni yene ikki tibetlik özige ot qoyup, xitay hökümitige naraziliq bildürgen. Bularning ichide biri ölgen bolup, yene birini xitay saqchiliri élip ketken.
Muxbirimiz jüme
2012-03-31
Share

London'gha jaylashqan "Erkin tibet teshkilati" we daramsaladiki tibet rahibliri bu weqening rastliqini ilgiri sürgen. Bu rahiblarning birining ismi tenpa darjey, yene birining ismi chimey palden bolup, ular ma'érkang yeni barxam shehirige 80 kilométir kélidighan jaydiki bir ibadetxanidin kelgen iken.

Eger bu ikki tibet rahibining özige ot qoyghanliqi delillense, shu xil usulda xitay hökümitige naraziliq bildürgen tibetlerning sani 30 din éship kétidu.

Charshenbe küni bir tibet rahibi hindistan paytexti yéngi déhlide xitay prézidéntining hindistan ziyaritige ülgürtüp özige ot qoyup, xitay hökümitige naraziliq bildürgen we hayatidin ayrilghan idi.

Jüme küni hindistandiki tibetler daghdughiliq murasim ötküzüp bu rahibni depine qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet