Lxasaning “Xitaydiki eng bextlik sheher” dep bahalinishi mesxirige uchridi

Chet'ellerdiki tibet tor béketliri hem xelq'ara metbu'atlarda, lxasa shehirining “2012-Yili xitaydiki eng bextlik sheher” dep bahalan'ghanliqigha qarita mesxire hem kinayilik xewerler bérilishke bashlidi.
Muxbirimiz méhriban
2012-08-21
Share

Xitay merkizi xelq téléwiziye istansisi 19-awghust küni ötküzgen “2012-Yilliq bextlik sheher bashliqliri munbiri” programmisida, lxasa shehirini xitaydiki eng bextlik 10 sheherning 1-si, dep élan qilghan. Bu tizimlikte lxasa shehiri, chungching shehiri, teyyüen shehiri we changsha shehiri aldinqi 4 qatargha tizilghan. Halbuki béyjing, shangxey, gu'angju qatarliq xitayning chong sheherliri, xitaydiki bextlik sheherler tizimlikige kirgüzülmigen.

Lxasa shehiridin radi'omiz ziyaritini qobul qilghan bir xitay puqrasi, bu bahalashqa qarita ejeblinish tuyghusini ipadilep “Men lxasada yashaymen, emma özümde bext tuyghusi sezmidim. Yerlik tibetlikler özini bextlik hésablisa buni bilmeymen. Emma méningche, lxasadiki tibetliklerde xitaylishish éghir boluwatidu. Hazir tibetliklerning en'eniwi kiyimlirini peqet tibet rahiplirila kiyidu, bashqilarning kiyginini körmidim. Bu yerdiki qurulushlarmu xitay uslubida...” dep jawab bergen.

Merkizi hindistandiki tibet sergerdan hökümiti xitayni eyiblep “Xitay da'irilirining diniy cheklime we basturushi sewebidin, hazirghiche 49 tibetlik özini köydürüp naraziliqini ipadiligen lxasa shehirini eng bextlik sheher dep élan qilishi, emeliyette ularning teshwiqatidiki yalghanchiliq we nomussizliqni ipadilimekte.” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet