Тибәтләрниң сиясий рәһбири лобсаң сангай хитайни кишилик һоқуқни еғир дәриҗидә дәпсәндә қилиш билән әйиблиди

Тибәтләрниң сиясий рәһбири лобсаң сангай хитайни кишилик һоқуқни еғир дәриҗидә дәпсәндә қилиш билән әйиблиди вә хитайниң тибәтләргә қаратқан сиясити тибәтләрни әсәбий васитиләрни қоллинип әркинлик тәләп қелишқа мәҗбурлиғанлиқини билдүргән.
Мухбиримиз җүмә
2011-12-10
Елхәт
Пикир
Share
Принт

У бу сөзләрни шәнбә күни далай лама нобел тинчлиқ мукапатиға еришкәнликиниң 22 йиллиқи мунасивити билән оттуриға қойди.

Тибәт баш министири лобсаң сангай: тибәттики кишилик һоқуқ вәзийити көрүнәрлик дәриҗидә еғирлашти. Тибәтләр җенидин кечип вә илгири көрүлүп бақмиған усулларни таллашқа мәҗбур болмақта, деди.

1989 - Йили 10 - декабир йәни хәлқара кишилик һоқуқ күни далай ламаға нобел тинчлиқ мукапати берилгән.

Бу мунасивәт билән дарамсаладики тсуглакһаң ибадәтханисида хатириләш мурасими өткүзүлди. Мурасимда сөз қилған лобсаң сангай хитайни тибәттики кишилик һоқуқ вәзийитини яхшилашқа чақирди вә: биз хитайға шуни хитаб қилимизки тибәт хәлқниң әң негизлик кишилик һоқуқлирини капаләткә игә қилиниши бу районда һәқиқий әминликни ишқа ашурушниң бирдин бир йол, деди.

Бу йил җәмий 12 тибәтлик раһиб вә раһибәләр өзини көйдүрүп хитайниң тибәткә қаратқан сияситигә етираз билдүргән иди.
Пикирләр (0)
Share
Толуқ бәт