Tibetlik yashning ölümi "Téz tereqqiy qiliwatqan 5 dölet yighini" gha kölengge chüshürdi

Téz tereqqiy qiliwatqan 5 dölet bashliqliri yighini peyshenbe küni hindistanda bashlandi.
Muxbirimiz irade
2012-03-29
Élxet
Pikir
Share
Print

Rusiye, xitay, braziliye, jenubiy afriqa we hindistandin ibaret 5 dölet bashliqi qatnashqan bu yighin tibetlik namayishchilarning xitay hökümitige qarshi élip barghan namayishlirining kölenggisi astida élip bérilmaqta.

Düshenbe küni 27 yashliq bir tibet yash yéngi déhli kochilirida özige ot qoyup xitay hökümitige qarshi sho'ar towlighan idi. Éghir yarilan'ghan bu yash doxturxanigha élip bérilghan bolsimu, emma uning köyük yarisi éghir bolghanliqtin qutquzush ünüm bermey charshenbe küni doxturxanida jan üzgen.

Fransiye agéntliqining xewer qilishiche, bu yash özige ot qoyushtin ilgiri bir parche xet teyyarlap qoyghan. Xette u özini hazirghiche özige ot qoyup ölgen 29-tibet dep yazghan we dunya jama'etchilikini tibetlerge köngül bölüshke, xitay hökümitini tibetlerge qiliwatqan zulumni ayaghlashturushqa chaqirghan.

Mezkur weqe yüz bergendin kéyin 80 ming etrapida tibetlikke bash panahliq qiliwatqan qiliwatqan hindistanning saqchi da'iriliri xitay rehber xu jintawning bixeterlikige kapaletlik qilish üchün bixeterlik tedbirlirini qattiq kücheytkenning sirtida, birqanche yüz tibetlikni qolgha alghan. Igilinishiche, ular xu jintaw hindistandin ayrilghandin kéyin andin qoyup bérilidiken.

Toluq bet