Qara sheher soti medeniy yadikarliqlarni yighip saqlighuchi tibetlikni 15 yilliq qamaq jazasigha höküm qildi

Uyghur aptonom rayonining qara sheher sot mehkimisi medeniy yadikarliqlarni yighip saqlighuchi tibetlikni qebre oghrilash "jinayiti" bilen eyiblep, 15 yilliq qamaq jazasigha höküm qilghan.
Muxbirimiz erkin
2010-06-25
Élxet
Pikir
Share
Print

Jawabkarning adwokati pu jichyangning bildürüshiche, xitay qanunidiki "képen oghrilash" jinayiti 1998 ‏- yildin bashlap bikar qilin'ghan bolsimu, lékin qara sheher sot mehkimisi peyshenbe küni karma samdup isimlik tibetlik tijaretchini qedimiy qebrilerni qézish we "képen oghrilash" bilen eyibligen.

Pu jichyang chet'el axbarat wastilirige bergen mezkur délo heqqidiki uchurida, karma samdupning gunahsiz ikenlikini, da'irilerning uning "jinayet" sadir qilghanliqigha da'ir héchqandaq pakit körsetmigenlikini bildürgen. Karma samdop bu yil 1‏ - ayning bashliri chéngduda qolgha élin'ghandin kéyin, Uyghur aptonom rayonigha ötküzüp bérilgen idi.

Karma samdop medeniy yadikarliqlarni yighip saqlighuchi bolupla qalmay, u yene muhit qoghdash pa'aliyitige aktip qatniship kéliwatqan shexs bolup, uning tibet igizlikidiki derya éqinlirini qoghdash pa'aliyiti hökümet da'irilirining mu'eyyenleshtürüshige érishken idi. Adwokat pu jichyang uning "jazagha tartilishining arqisida siyasiy sewebler bolushi mumkin" dégen.

Toluq bet