Тибәт раһиблириниң өзини көйдүрүп қаршилиқ көрситиш һәрикити тунҗи қетим тибәт ичидә йүз бәргән

Чәтәлләрдики тибәт паалийәтчилири шәнбә күни тибәт раһиблириниң өзини көйдүрүп қаршилиқ көрситиш һәрикитиниң тунҗи қетим тибәт ичидә йүз бәргәнликини билдүрди.
Мухбиримиз җүмә
2011-12-03
Share
Илгири 10 дин артуқ тибәт раһибә вә рәһбәрлири өзини көйдүрүп, хитайға наразилиқ билдүргән болуп, бу хилдики қаршилиқ һәрикәтлири асаслиқи сичүән өлкисиниң аба наһийисидә йүз бәргән.

Аба наһийисидики тибәт раһиблири мәзкур наһийә тәвәсидики крити ибадәтханисиниң тәқиб астиға елинғанлиқи вә хитайда тибәтләргә қаритилған бастуруш сияситигә наразилиқ билдүрүп, өзини көйдүрүп қаршилиқ көрсәткән иди.

Хәлқара тибәт һәрикитиниң шәнбә күни билдүрүшичә, бу хилдики өзини көйдүрүш һәрикити тунҗи қетим тибәт аптоном райони ичидә йүз бәргән болуп, өзини көйдүривалғучи 40 яшлар чамисидики тибәт раһиби икән.

Раһиб өзигә от қоюп узун өтмәй дохтурханиға елип берилип қутулдурувелинған.

Хәлқара тибәт һәрикитиниң билдүрүшичә, бу тибәт раһибиниң исми тәнзин фунтсоң икән.

Тибәт раһиблириниң өзини көйдүрүвелиш һәрикәтлири тохтимай йүз беришкә башлиғандин кейин, хәлқара җәмийәт хитайға бесим ишлитип, тибәт сияситини өзгәртишкә чақирған иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт