Tibet sürgünde hökümiti bash ministiri dunya jama'etchilikini xitaygha qarshi tibetke yardem qilishqa chaqirdi

Tibet sürgünde hökümitining bash ministiri lobsang san'gay dunya jama'etchilikige xitab qilip, xitaygha bésim ishlitishni, tibetning kishilik hoquqigha yardem qilishqa chaqirdi.
Muxbirimiz erkin
2012-09-28
Share

U jüme küni daramsalagha toplan'ghan muhajirettiki her qaysi tibet teshkilatlirining wekillirige söz qilip: xitay hökümiti gherb ellirige bésim ishlitishni kücheytti. Biz bu döletler bilen bolghan küchlük munasiwitimizni qayta mustehkemlishimiz kérek, dégen. U yene daramsalagha toplan'ghan 400 tibet wekilge eskertip: biz xitay hökümitige shu küchlük signalni bérimiz, biz uning basturush siyasitige hergiz süküt qilmaymiz, dégen.

U yene: biz xelq'ara jama'etning xitaygha bésim ishlitip, tibettiki basturushni toxtitishigha éhtiyajliqmiz we buni qoghlishishimiz kérek, dep körsetken.

Tibet teshkilatlirining daramsaladiki yighinida wekiller tibettiki özini köydürüsh weqelirini muzakire qilghan. Analizchilarning ilgiri sürüshiche, xelq'ara tibet herikiti xitayning tibettiki siyasitige qandaq qilip ünümlük taqabil turush mesiliside yéngi pikir, yéngi idiyilerdin qandaq paydilinish, özining tibettiki tesir küchini qandaq qilip saqlap qélish, kéngeytish qatarliq jiddiy mesililerge duch kelgen. 2009‏-Yildin bashlap tibet rahiblirining özini köydürüp, xitaygha naraziliq bildürüsh herikiti bashlan'ghan idi.

Xewerlerdin melum bolushiche, hazirgha qeder 50 nechche tibet puqrasi özini köydürgen bolup, ularning 41 nepiri ölgen. Bu qétim daramsalada chaqirilghan tibet teshkilatlirining yighinida mezkur mesile muzakire qilin'ghan. San'gay tibet puqraliridin bu xil özini köydürüp naraziliq bildürüsh herikitige ara bérishni telep qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet