Сақчи даирилириниң бейҗиңдики тибәтләр һәм уйғурларни қаттиқ тәкшүрүш һәққидики уқтуруши ашкариланди

Радиомиз игилигән учурдин мәлум болушичә, сичүәндә йүз бәргән тибәтләр билән сақчилар оттурисидики тоқунуштин кейин, 30-январ дүшәнбә күни бейҗиң сақчи даирилири җиддий уқтуруш чиқирип, бейҗиңдики тибәт вә уйғурларға қаритилған тәкшүрүшни күчәйтиш, уларға ятақ бәрмәсликни тәләп қилған.
Мухбиримиз меһрибан
2012.01.31
Share on WhatsApp
Share on WhatsApp

Бейҗиңдики һәрқайси меһманханиларға тарқитилған бу уқтуруш сәйшәнбә күни хитай тор бәтлиригә қоюлған. Уқтурушта ениқ һалда бейҗиң хәйдийән районидики һәрқайси меһманхана, аммиви мунча қатарлиқ орунлардин бу җайларға кәлгән тибәт вә уйғурларни қаттиқ тәкшүрүш, уларниң әһвалини өз әтрапидики сақчиханиларға һәмдә ву ху исимлик сақчиниң қол телефониға мәлум қилиш тәләп қилинған.

Дуня уйғур қурултийиниң баянатчиси дилшат ришит әпәнди радиойимизниң зияритини қобул қилип,торда ашкариланған уйғурлар һәм тибәтләрни җиддий тәкшүрүш уқтурушиниң ениқ һалдила хитай һөкүмәт даирилириниң уйғурлар һәм тибәтләргә қаратқан миллий кәмситишиниң җанлиқ пакити икәнликини тәкитлиди.

Дилшат ришит өз баянида йәнә уйғурларниң нөвәттә хитай өлкилиридила әмәс, бәлки өз земини болған шәрқий түркистан туприқидиму назарәт қилиниш обйектиға айлинип, кәмситилишкә учраватқанлиқини билдүрүп, әгәр уйғурларға қаратқан бесим мушу тәриқидә давамлашса, уйғурларниң техиму зор наразилиқ һәрикәтлириниң партлиши мумкинликини әскәртти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.