Хитай даирилири барлиқ күчи билән лхасаниң муқим вәзийитигә капаләтлик қилишни тәкитлиди

Сичүәнниң аба районида йүз бәргән тибәтләр билән сақчилар оттурисидики тоқунуштин кейин, хитайниң тибәттики юқири дәриҗилик әмәлдарлири буйруқ чүшүрүп, лхасаниң муқимлиқиға капаләтлик қилишни тәкитлиди.
Мухбиримиз меһрибан
2012.01.31
Share on WhatsApp
Share on WhatsApp

“шизаң гезити” дики хәвәрдин мәлум болушичә, хитайниң лхасадики партком секретари чизара 31-январ, сәйшәнбә күни сақчи даирилиридин нуқтилиқ һалда, лхасадики будда ибадәтханилирини назарәт астиға елиш, тибәткә сирттин киргүчиләрни қаттиқ тәкшүрүшни тәләп қилған. Хитай мәтбуатлиридин мәлум болушичә 1- марттин башлап тибәткә киргүчи һәрқандақ шәхсниң йенида кимликини елип йүрүши тәләп қилинидикән.

Бултур 3-айдин буян тибәттә арқа-арқидин йүз бәргән өзини көйдүрүш арқилиқ наразилиқини ипадиләш вәқәлири һәм өткән һәптә сичүәнниң аба районида йүз бәргән тибәтликләр билән сақчилар оттурисидики тоқунуштин кейин, тибәт вәзийитиниң йәниму җиддийләшкәнлики хәлқара җәмийәтниң диққитини тибәт мәсилисигә қаратмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.