Xitay da'iriliri xitay hökümitige naraziliq bildürüp özini köydürüwalghan tibet rahibining hemrahlirigha jaza bérilidighanliqini élan qildi

Xitay da'iriliri xitay hökümitige naraziliq bildürüp özini köydürüwalghan tibet rahibini özini köydürüshke mejburlighan dégen guman bilen mezkur rahibning 3 hemrahigha jaza bérilidighanliqini élan qildi. Bu heqtiki xewerler xitayning shinxu'a agéntliqida jüme küni xewer qilindi.
Muxbirimiz jüme
2011.08.27

Bu yil 16 yashqa kirgen tibet rahibi rigzin puntsog bu yil 16-mart özige ot qoyup, xitay hökümitining tibet rayoni we bashqa rayonlardiki tibet xelqige qaratqan siyasetlirige naraziliq bildürüp, özini köydürüp ölüwalghan idi.

Xewer qilinishiche, xitay da'iriliri séring tenzin we tenchum qatarliqlarni naraziliq herikitini pilanlash we rigzinning özini köydürüshige yardemde bolush jinayetliri bilen eyiblen'gen.

3-Rahib drongdru yarilan'ghan rahiblarni yoshurush jinayiti bilen eyiblen'gen. Weqe sichüen ölkisining ngaba nahiyisidiki kirti ibadetxanisida yüz bergen bolup, ibadetxana hazirghiche xitay bixeterlik qisimlirining qorshawida idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.