Xitay bir tibet rahibni ot qoyuwélishqa qutritish bilen eyiblep qolgha aldi

Shinxu'aning bu heqtiki xewiride mezkur rahibing ismi lorang konchok dep yézilghan we uning yénidin dalay lamaning chet'eldiki sepdashlirining téléfon alaqe uchurliri tépilghanliqi, rahibning dalay lamaning orunlashturushi boyiche, jem'iy 8 tibetlikni özige ot qoyuwélishqa küshkürtkenliki bayan qilin'ghan. Shinxu'aning xewiride yene mezkur rahibning chet'el bilen alaqisini we atalmish jinayitini iqrar qilghanliqi bildürülgen. Emma xewerde iqrar we atalmish jinayetke alaqidar héchqandaq pakit körsitilgen.

Birleshme agéntliqi bügün bu heqte ehwal igilesh üchün, dalay lamaning darimsaladiki ishxanisigha téléfon qilghan. Dalay lamaning bayanatchisi, xitayning özige ot qoyuwélish weqeliri üstidiki éniqlashlirini qarshi alidighanliqini bildürgen؛ emma weqege dalay lamaning yolyoruq bergenlikini inkar qilghan. U, rahibning mejburiy iqrar qildurulghanliq éhtimalliqini ilgiri sürgen. Birleshme agéntliq bu heqte xitay terepning jawabini élish üchün sichüen saqchilirigha téléfon qilghan bolsimu,, saqchilar bu heqte pikir we melumat bérishni ret qilghan.