Xitay “Tibetler özini köydürüsh arqiliq bizning siyasitimizni özgertelmeydu” dédi

Bügün xitay da'iriliri tibetliklerning özini köydürüsh heriketlirining xitayning tibetke qaratqan siyasitide héchqandaq özgirish yasiyalmaydighanliqini bildürdi.
Muxbirimiz irade
2011.12.30
Share on WhatsApp
Share on WhatsApp

Roytérs agéntliqining xewer qilishiche, xitay kompartiyisi milliy birlik sep bölümining mu'awin bashliqi ju wéychün jüme küni bayanat élan qilip, dalay lamachilarning xitay hökümitining tibetke qaratqan siyasitini özgertish meqsitige hergiz yételmeydighanliqini éytqan. U mundaq dégen:
“Men shuni ochuq qilip éytalaymenki, özini köydürüsh herikiti qayta yüz bergen teqdirdimu, bu bizning tibet rayonigha qaratqan siyasitimiz we dalay lama sépidikilerge bolghan pozitsiyimizni hergiz özgertelmeydu.”

Xitay da'iriliri xelq'araning bésimi bilen chet'ellerdiki tibet herikitidin teshkillen'gen hey'et bilen 2010-yilining béshida uchrishish élip barghan, emma uchrishishtin héchqandaq bir netije chiqmighan idi. Ju wéychün ene shu uchrishishta yer alghan isimlarning biri. U, jüme künidiki bayanatida söhbetning netijisiz ayaqlishishi we söhbetning qayta élip bérilmasliqigha “Dalay lamaning qattiq we mentiqisz pozitsiyisi” ning seweb bolghanliqini ilgiri sürgen we “Xitay döliti hergizmu sürgündiki tibet hökümitining bash ministiri lobsang sanggey bilen söhbet ötküzmeydu” dep eskertken.

Chet'ellerdiki tibet herikiti közetküchiliri bolsa, xitay hökümitining tibet mesiliside bir kélishim hasil qilish niyitining yoqluqini, ularning eyni waqitta peqet xelq'araning közini boyap, waqit élish üchünla bu söhbetke maqul bolghanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.