Dalay lama wekilliri 26 - yanwar xitay da'iriliri bilen yéngidin söhbet ötküzmekchi

Tibetlerning rohaniy dahiysi dalay lamaning wekilliri 26 - yanwar seyshenbe küni xitay da'iriliri bilen yéngidin söhbet ötküzmekchi.
Muxbirimiz jüme
2010-01-25
Share

Melum bolushiche, dalay lamaning alahide wekili lodi gyari we kelsang gyaltsenler tibet wekiller ömikini bashlap söhbetke qatnishidiken. Halbuki, bu nöwetlik söhbetning qeyerde élip bérilidighanliqi téxi ashkarilanmighan.

Tibet sergerdan hökümitining bayanatchisi tenzin taklha mezkur söhbet heqqide toxtilip: " biz xitaylar bilen uchrishimiz. Bu öz - ara birlikke kelgen hel qilish charisi tépishning muhim qedem basquchi" dégen. U yene, dalay lamaning tibet mesilisini söhbet bilen hel qilishtin ibaret meydanining özgermigenlikini tekitligen.

Ilgiri tibet sergerdan hökümiti bilen xitay da'iriliri arisida 8 qétim söhbet ötküzülgen, emma hazirghiche, ular pikir birliki hasil qilalmighan idi.

Dalay lama tibetke aliy aptonomiye telep qilidighanliqini dawamliq tekitlep kéliwatqan bolsimu, lékin xitay da'iriliri dalay lamaning tibetni xitaydin ayrip chiqip kétish meqsiti barliqida ching turup kelmekte idi.

Tibetlerning rohini dahiysi dalay lama, amérika prézidénti obamaning tibet mesilisige jiddiy qarighanliqi we xitay da'iriliri bilen ötküzülgen söhbetlerde, meyli jama'et aldida bolmisun we meyli perde arqisida bolmisun, özining tibet mesilisidiki meydanini keskin halda otturigha qoyup kelgenlikini teripligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet