Тибәт тәшкилатлири хитайни 'тибәт мәсилисидә тарихи мәсулийити бар' дәп әйиблиди

Өткән һәптә елип берилған хитай һөкүмити билән далай лама вәкиллири оттурисидики сөһбәт нәтиҗисиз аяғлашқандин кейин, хитай даирилири далай ламани "тибәткә мустәқиллиқ тәләп қилиш идийисидин ваз кәчмиди, бөлгүнчилик хаһиши еғир" дәп әйиблиди.
Мухбиримиз миһрибан
2010-02-11
Share

Далай лама вәкилликидики тибәт тәшкилатлири сөһбәтни хуласиләп: "сөһбәт хитай даирилириниң дуня җамаәтчиликини алдаш үчүн елип барған бир нәйриңи болди, әмәлийәттә бу қетимлиқ сөһбәттә тибәт мәсилисигә даир һечқандақ бир әмәлий мәсилә һәл қилинмиди," деди.

Далай ламаниң диний ишлар фондиниң мәсули давар сәйрен америка авази мухбириниң зияритини қобул қилғинида: "һазир хитай һөкүмити ташқи җәһәттә хәлқараға далай лама вәкиллири билән сөһбәт өткүзүватимиз дәп хәлқарани алдиса, ички җәһәттин тибәттә бастуруш сиясити қоллинип тибәт хәлқиниң әркинликини боғмақта. Хитай һөкүмити тибәттә йүз бәргән бир қатар ишларниң тарихи мәсулийитини өз ичигә елиши керәк," деди.

Көзәткүчиләрниң қаришичә, һазир тибәт мәсилиси һәм уйғур мәсилиси хитайниң бешини қатуриватқан мәсилиләр болуп, бу икки район дуня җамаәтчилики тәрипидин "хитайдики мәңгү тинҗимас районлар" дәп тәрипләнмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт