Tibette ikki chong xitay emeldari wezipiliridin élip tashlandi

Xitay axbarat wasitilirining xewer qilishiche, tibet jama'et xewpsizlik idarisining bashliqi wang binyy we tibet aptonom rayonluq hökümitining mu'awin re'isi chin yézi jüme küni tibet xelq qurultiyi teripidin wezipiliridin élip tashlan'ghan.
Muxbirimiz ömer qanat
2008-09-27
Share

Lékin xewerde éytilishiche, chin yézi lxasa partiye komitétidiki bashliqliq wezipisini saqlap qalghan. Xitay axbarat wasitiliri bu mesile toghrisidiki xewerliride, wang we yézining néme üchün wezipiliridin élip tashlan'ghanliqi heqqide bir néme démigen.

Köpchilikke melum bolghandek 14‏ - mart küni tibetning paytexti lxasada xitay hakimiyitige qarshi bashlan'ghan qozghilang uzun ötmey tibetning bashqa rayonlirida hetta xitayning ichki ölkiliridiki tibetler zich olturaqlashqan jaylarda béyjing hökümitige qarshi keng kölemlik naraziliq heriketlirining élip bérilishigha seweb bolghan idi.

Xitay hökümiti, béyjing olimpik tenheriket yighini échilish murasimi harpisida lxasada bashlan'ghan qozghilangni pilanlighan dep,tibetning diniy we siyasi dahisi dalay lama we uning qollighuchiliri eyibligen. Lékin dalay lama xitayning bu eyibleshlirini ret qilghan idi.

Jüme küni tibet aptonom rayonluq hökümitining mu'awin re'islik wezipisidin élip tashlan'ghan chin yézi bolupmu olimpik mesh'elni lxasagha yetküzüsh pa'aliyetliri jeryanida dalay lamani qattiq eyiblep uning qollighuchilirigha qarshi bayanatlar bergen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet