Amérika "Ming közlük janiwar" ‏-tik uchar yasap chiqti

Peyshenbe küni amérika armiyisi amérikining éniqliq derijisi pewqul'adde yuqiri resim tartish iqtidarigha ige uchquchisiz tik uchar layihilep chiqqanliqini élan qildi.
Muxbirimiz irade
2011-12-30
Share

A 160 tipliq here qushi tik uchar ayropilanliri alahide chüshüsh-qonush yoli telep qilmaydighan bolup, xalighan yerdin hawagha örliyeleydiken we qonalaydiken. Bu uchquchisiz tik uchar bashqa tik uchar ayropilanlarda bolmighan bir alahidilik yeni, hawa boshluqida uchmay turush iqtidarigha ige.

Bu tik ucharlarning resimge tartish iqtidari pewqul'adde yuqiri bolup, tartilghan resimlerning éniqliq derijisi adette qol téléfonlardiki 2 méga pikséllik kaméralardin 900 hesse yuqiri iken.

Birleshme agéntliqining éytishiche, qomandanliq merkizige sékontigha 10 parchidin artuq resim eweteleydighan bu xil jasusluq tik uchar ayropilani 6 kilométir égizlikte turup 168 kilométir da'irini we eng az dégende 65 nishanni birla waqitta köziteleydiken. Shunga bu xil tik ucharda ishlitilgen kaméra girik epsaniliridiki "Ming közlük janiwar" gha oxshitilghan.

Amérika da'iriliri bu tik ucharning amérikining arizona shtatida sinaq qilin'ghandin kéyin kéler yili 6-ay etrapida afghanistan'gha ewetilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet