Xitayning tömüryol ministiri parixorluq sewebidin wezipisidin élip tashlandi

Xitay kompartiyisi bügün yeni düshenbe küni xitay tömüryol ministiri lyu jiminni wezipisidin élip tashlighanliqini élan qilghan. Uqturushta, lyu jiminning xitayda élip bériliwatqan yuqiri sür'etlik tömüryol qurulushi dawamida parixorluq qilghanliqi tilgha élin'ghan.
Muxbirimiz shöhret hoshur
2012-05-28
Share

Lyu jiminning xiyanetchilik qilmishi, bultur xitayning wénju shehiride yuqiri sür'etlik poyiz soqulup kétish weqesi yüz bergendin kéyin pash bolghan.

Ashkarilinishiche, u mezkur qurulush dawamida tömüryol ministirliqidiki yüksek hoquqidin paydilinip bezi kishilerge zor menpe'et qazinish pursiti yaritip bergen we buning bedilige qarshi tereptin zor miqdarda para alghan.

Poyiz soqulush weqesi yüz bergendin kéyin xitay hökümiti poyizning sür'itini astilitish, qurulushqa séliwatqan mebleghni qisqartip, weqede ölgüchilerge tölem puli ayrish we tömüryol ministirini xizmitidin toxtitip tekshürüsh qatarliq tedbirlerni qollinip ammining naraziliqini peseytken idi.

Xitay kompartiyisi lyu jimin xizmitidin toxtilip bir yil ötkendin kéyin, uning wezipisidin élip tashlan'ghanliqini uqturdi. Emma közetküchiler, xitayning xiyanetchilik mesilisini ayrim shexslerni jazalash arqiliq tüzitelmeydighanliqini, buning üchün xitayda siyasiy tüzülme islahatning zörürlükini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet