Xitay da'iriliri 3-aydin buyan 42 tor békitini taqidi

Ötken hepte xitay da'iriliri uqturush chiqirip, bo shiley wezipisidin élip tashlan'ghandin kéyinki xitay weziyiti heqqide uchur tarqatqan 16 tor békitini taqap, 6 kishini tutqun qilghan idi.

Radi'omiz igiligen uchurlardin melum bolushiche, bu yil 3-ayda béyjingda xitayning xelq qurultiyi we siyasiy kéngesh yighini échilghan mezgilde, béyjing da'iriliri qattiq bixeterlik tedbirliri alghandin bashqa, béyjingdiki kishilik hoquq aktiplirini nezerbend qilip, ularning shexsiy tor béketlirini taqighan.

Radi'omiz igiligen uchurlardin melum bolushiche, xitay da'iriliri bu yil 3-aydin bashlap tor betliride tazilash élip bérip, jem'iy 210 ming uchurni bir terep qilghan. Xitay ölkiliridin radi'omiz ziyaritini qobul qilghan puqralarning bildürüshiche, ular tordin yéqindin buyan xitayda bir qeder sezgür bolghan weqe hem shexslerge a'it uchurlarni izdimekchi bolghinida kompyutérdin aptomatik halda“Xata meshghulat” yaki “Cheklen'gen söz” dégendek uchur qaytidiken.