Tor bixeterliki shirkiti xitay torbuzarlirining “Tor jasusluq” herikiti élip barghanliqini bildürdi

Doklatta otturigha qoyushiche, bu tor jasusluqi abontlarning kimliki we banka hésabatlirini oghrilashqa qarighanda, énérgiye shirketlirige tewe kan - quduqlar, xam eshya toshushqa da'ir uchurlar we awi'atsiye téxnikisini oghurilashqa bekrek merkezleshken iken.

Bular yene, herbiy mexpiyetlik oghrilash, tibet pa'aliyetchilirining heriketlirini közitish qatarliqlarnimu öz ichige alidiken.

Bezi xewerlerde bu torbuzarlarning arisidiki bir torbuzarning ilgiri yaponiyide oqughanliqi, uning nöwette xitayning “Téngshün” yene) QQ) shirkitide ishleydighanliqi ilgiri sürülgen.

Trend mikro bu heqtiki so'allargha jawab bérishni ret qilghan bolsimu, hujum xaraktérining hökümet uyushturghan hujumlargha oxshaydighanliqini alahide tekitlidi.