Uyghur tor békitide xitayning qosh tilliq ma'arip we muqimliq siyasiti tenqidlendi

Yéqinda Uyghurlarning xitay tilida chiqidighan " Uyghur torda " tor békitide Uyghur aptonom rayoni re'isi nur bekrige yézilghan bir parche ochuq xet élan qilin'ghan bolup, ochuq xette xitay da'irilirining rayonda yolgha qoyghan qosh tilliq ma'arip we muqimliq siyasiti tenqidlen'gen.
Muxbirimiz erkin
2008-09-26
Share

Xette ular Uyghurlarning aptonomiye hoquqidin asta - asta ayrilip qéliwatqanliqini, aptonom rayonning re'isi nur bekridin Uyghurlarning qanundiki hoquqini qoghdishini telep qilghan. Uyghur tilining qanundiki hökümet tili ikenliki, lékin nur bekrining yighinlarda xitayche sözlewatqanliqini tenqidligen ochuq xette, "bizning öz tilimizni ishlitish hoquqimiz bar. Buninggha qanunlar yol qoyidu shundaqla bu qanunda qoghdalghan " deydu.

Ochuq xette yene, aptonom rayon partkom sékritari wang léchüenning shinjangda "muqimliq hemmini bésip chüshidighan 1 ‏ - wezipe" dégenlikini, lékin bu xitay kompartiyisi bash sékritari xu jintawning Uyghur ilini közdin kechürgende " shinjangdiki 1 ‏ - muhim wezipe tereqqiyat" dégen sözige pütünley zit kélidighanliqini eskertip, " shinjangning hökümet qatlimidiki "milliy héssiyati bar yoldashlarni muhim orun'gha qoyushqa bolmaydu "deydighan tonushning bir "exmiqane tonush" ikenlikini, "milliy héssiyat normal ademlerde bolushqa tégishlik eng eqelliy ademgerchilik, eger shinjangdiki emeldarlarda milliy héssiyat bolmisa, esli buning normalsiz ehwal "ikenlikini tekitligen.

Ochuq xette nur bekrige mundaq xitap qilinidu": xelq sizni re'is, dep saylidi. Siz öz xelqingizge mes'ul bolushingiz, ularning hoquqini qoghdishingiz kérek."


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet