6 - Қетимлиқ түрк тили қурултийи ахирлашти вә уйғурларға әһмийәт берилди

Түркийә җумһурийитигә тәвә ата түрк тил, тарих вә мәдәнийәт җәмийити игидарчилиқ қилған 6 - нөвәтлик хәлқаралиқ түрк тили қурултийи 10 - айниң 25 - күни түркийиниң пайтәхти әнқәрә шәһридә йепилди.
Мухбиримиз үмидвар
2008-10-26
Share

6 Күн давамлашқан мәзкур хәлқаралиқ қурултай төт йилда бир қетим ечилиш бәлгиләнгән болуп, бу қетимқи қурултай 11 - әсирдә өткән бүйүк уйғур алими мәһмут қәшқәриниң туғулғанлиқиниң 1000 йиллиқиға беғишланған шуниңдәк б д т пән - маарип орниниң 2008 - йилини мәһмут қәшқәри йили қилип бекитишидин илһам елинған.

6 - Қетимлиқ түрк тили қурултийиға 34 дөләттин кәлгән 478 мутәхәссис қатнашқан болуп, улар өзлириниң түркий тиллар вә мәдәнийити җүмлидин мәһмут қәшқәриниң "түркий тиллар дивани" намлиқ әсиригә мунасивәтлик һәр хил мәзмундики мақалилирини оқуп өткән.

2008 - Йилиниң мәһмут қәшқәри йили қилип бекитилиши мунасивити билән һазирғичә түркийидики һаҗи тәппә университети, риза университети вә башқа мунасивәтлик тәтқиқат орунлири һәм җәмийәтлири түрлүк хатириләш паалийәтлири өткүзгән иди.

Бу қетимқи йиғинда уйғурларғиму әһмийәт берилгән болуп, бейҗиң, үрүмчи, японийә, түркийидин кәлгән йәттә нәпәр уйғур мутәхәссиси өзлириниң уйғур тили, мәһмут қәшқәри вә түркий тиллар дивани һәққидики мақалилирини оқуп өткән.

Хәвәрләрдин қариғанда, 11 - айда түркийиниң мәзкур оргини билән бейҗиңдики милләтләр университети. Уйғур тил - әдәбият факултети бирликтә мәһмут қәшқиригә беғишланған муһакимә йиғини өткүзмәкчи икән.

Америка уйғурлири җәмийитиму хәвәр тарқитип, 2008 - йили 11 - айниң 12 - күнини, йәни 1933 - 1944 - йилидики икки шәрқий түркистан җумһурийәт хатирә күнини, мәһмут қәшқәри йилиға беғишлайдиғанлиқини билдүргән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт