Türkiye afghanistan saqchilirini terbiyilimekte

Türkiye hökümiti bilen afghanistan hökümiti arisida tüzülgen kélishim boyiche türkiye hökümiti afghanistan saqchilirini terbiyileshni dawamlashturmaqta. Rusiyining régnum uchur torining türkiye metbu'atliridin neqil élishiche, yéqinda 500 neper afghanistan saqchisi türkiyige bérip, mexsus terbiye alidiken. Kélishim boyiche bu 500 adem üch türkümde terbiyilinidighan bolup, birinchi türkümde 165 adem türkiyige yürüp ketken.
Muxbirimiz ümidwar
2012.08.26


Buningdin ilgiri afghanistan hökümiti 600 neper saqchini türkiyige ewetken bolup, bular mexsus terbiyileshtin ötüp wetinige qaytip xizmetlerge kirishken, bu qétim yene 500 ademni terbiyilesh heqqide pütüshüm hasil qilin'ghan.

Melumatlardin qarighanda, türkiye ottura sherq rayonida saqchi we amanliq sahesi bir qeder mukemmelleshken we sistémilashqan memliket bolup, türkiye özining alahide jughrapiyiwi siyasi orni we murekkep ichki weziyiti tüpeylidin saqchi we amanliq sahesige ezeldinla qattiq ehmiyet bergenliki üchün bu sahede mol tejribilerge ige bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.