Türkiye tashqi ishlar ministiri qeshqerni ziyaret qildi

Türkiye tashqi ishlar ministiri ehmet dawud'oghlu peyshenbe küni qeshqerde ziyarette boldi. U qeshqerdiki ziyariti dawamida türkiyining Uyghur qérindashlirigha ige chiqidighanliqini éytqan.
Muxbirimiz irade
2010-10-28
Share

U mundaq dégen: "türkiye bir qolida Uyghurlarning heq ‏- hoquqlirini qoghdaydu, yene bir qolida xitay bilen bolghan munasiwetlirini dawam qilidu. Biz xitay bilen yaxshi munasiwet ornitish bilen birlikte Uyghur qérindashlirimizghimu yardem qolimizni sunimiz."

Melum bolushiche, türkiye tashqi ishlar ministiri exmet dawud'oghlu bashchiliqidiki hey'et qeshqerdiki mehmut qeshqiri we yüsüp xas hajip meqberisini ziyaret qilip, du'a - tilawet qilghan bolup, anatoliye xewer agéntliqi bu heqtiki uchurida uning bu ziyarettin intayin hayajanlan'ghanliqini we "biz hazir ejdadlirimizning makanlirini ziyaret qilmaqtimiz" dégenlikini xewer qildi.

Ehmet dawud'oghlu Uyghur diyarini ziyaret qilghan tunji türk tashqi ishlar ministiri bolup, u, bu ziyaritining simwolluq ehmiyetke ige ikenlikini éytqan. Igilinishiche, dawud'oghlu qeshqerdiki ziyaritini ayaghlashturup peyshenbe küni axsham mexsus ayropilan bilen ürümchige yétip kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet