Түркийә натоға әза мәмликәтләрниң җиддий йиғинини чақирди

Җүмә күни түркийиниң бир күрәшчи айропилани сүрийә армийиси тәрипидин етип чүшүрүлгәндин кейин сүрийә кризисиға йеңи мәзмун қошулди, йәни түркийә бу мәсилигә җиддий қарап, сүрийигә қандақ һәрикәт қоллиниш вәзийити шәкилләнди.
Мухбиримиз үмидвар
2012.06.24
Share on WhatsApp
Share on WhatsApp


Б б с агентлиқиниң хәвәр қилишичә, йәкшәнбә күни түркийә һөкүмити дәрһал шималий атлантик окян әһди тәшкилатиға әза мәмликәтләрниң йиғинини чақирип, сүрийигә қандақ чарә қоллиниш мәсилисини музакирә қилди. Сүрийә түркийә айропиланини һечқандақ агаһландуруш бәрмәстин етип чүшүрүвәткән болуп, сүрийә тәрәп түркийә айропиланиниң сүрийә туприқиға киргәнликини билдүргән. Бу мунасивәт билән әнқәрә һөкүмити бу ишни б дт баш катипи вә хәвпсизлик кеңишигә уқтурған иди.

Нөвәттә, түркийидә сүрийигә зәрбә бериш мәсилиси һәққидә ғулғулилар кетиватқан болуп, һәтта әнглийә һөкүмити тәрәпму сүрийиниң бу қилмишиниң киши чидап туралмайдиған иш икәнлики, сүрийиниң бу қилмишқа мәсул болушини билдүрүп, бдт хәвпсизлик кеңишидә сүрийигә нисбәтән қаттиқ бесим көрситидиғанлиқини әскәрткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.