Түркийиниң ван вилайитидики қирғизлар қирғизистандин өзлирини елип кетишни тәләп қилди

Қирғизистанниң акипрәс агентлиқиниң хәвәр қилишичә, 13 - январ күни ван қирғизлириниң вәкили қасимбәк шакир оғли әнқәрәгә зиярәткә кәлгән қирғизистан президенти алмасбек атамбайеф билән көрүшкәндә бу тәләпни оттуриға қойған.

У сөзидә ван вилайитидики қирғизларниң турмушиниң наһайити яхши икәнлики, бирақ уларниң қирғизистанға көчүп кетишидики мәқсәтниң уларниң әвладлириниң келәчикидин әнсирәш икәнликини билдүргән, йәни демәкчи болғини уларниң өз ана тили вә мәдәнийитини унтуп, ассимилятсийә болуп кетиштин әнсиригән.

Ван вилайитидики қирғизлар 1992 - йили, афғанистанға тәвә памир тағлиқ районидин келип йәрләшкән болуп, рахманқул хан бу қирғизларниң рәһбири иди. Түркийә һөкүмити уларни елип келип ван вилайитигә орунлаштурған. Ван вилайитидә һазир 450 қирғиз аилиси яшимақта, истанбулда 150 аилә яшайду, мәзкур памир қирғизлири өткән әсирниң 55 - 60 - йиллирида афғанистан қатарлиқ җайларға көчүп чиққан уйғур мусапирлириған көп ярдәмләрни бәргән вә уйғурлар билән яхши мунасивәт орнатқан иди. Өткән йили йүзбәргән вандики қаттиқ йәр тәврәштә қирғизистан һөкүмити һәм түркийидики уйғур җамаити ван қирғизларға инсанпәрвәрлик ярдәмлирини әвәткән иди.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар