Türkiyning nato pilani süriyining nazliqini qozghighan

Türkiye özining süriye bilen tutishidighan chégrasini qoghdashta natoning yardimini telep qilghan bolup, bu süriye terepning nazliqini qozghighan.
Muxbirimiz jüme
2012-04-28
Share

Süriye tashqi ishlar bayanatchisi jihad mekdisi: türkiye bash ministiri rejep tayyip erdoghanning nato qisimlirini chégra qoghdashqa ekélish tehditi ademni tolimu bi'aram qilidu. Bu kofi annanning tinchliq pilanigha bolghan sadiqliqning kemlikini körsitidu, dédi.

Bu yil 9 - aprél türkiyining kili musapirlar lagérida 4 süriyilik musapir, ikki türk puqrasini öz ichige alghan bir saqchi we bir terjiman süriye chégrasi tereptin étilghan oqta yarilan'ghan. Türkiye bash ministir erdoghan bu heqtiki so'allarghu jawab bérip: bizning buni hel qilidighan charilirimiz köp dégen, idi.

U yene : buningdiki birinchi tallash nato kélishimidiki 5 - maddini ishqa sélish, dep körsetken. Bukélishim boyiche eger natogha eza her qandaq bir dölet hujumgha uchrisa, bu hujum aldi bilen natogha qilin'ghan hujum dep qarilip, hujumgha uchrighan döletni barliq nato ezaliri birlikte qoghdash mejburiyitige ige.

Dawutoghlu peyshenbe küni: türkiyining öz dölet bixeterliki qoghdash üchün barliq charilerni qollinishqa heqliq ikenlikini ilgiri sürgen.

Türkiye esli süriyining eng yéqin ittipaqdashliridin biri bolup, esed hökümiti namayishchi xelqni herbiy küch bilen basturushni bashlighandin kéyin munasiwetni üzgen we süriyidin kélidighan musapirlargha qoynini achqan idi. Nöwette türkiyide 23 ming süriyilik musapir panahlanmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet