Türkiye bilen xitay shirketliri ixtilapni qayrip qoyup 1 milyard 380 milyon amérika dolliriliq kélishim imzalashqa kélishti

Fransiye agéntliqining bayan qilishiche, xitayning dölet re'isi bolushni kütüp turuwatqan shi jinping türkiyini ziyaret qilghanda, gerche xitay bilen türkiye otturisida import-éksport perqi nahayiti chong bolghanliqi, xuddi türkiye iqtisad ministiri chaghlayan bayan qilghandek, xitaydin türkiyige 21 milyard 600 milyon amérika dolliriliq mal kirgen bolsimu, emma xitay türkiyidin aran 2 milyard 500 milyon amérika dolliriliq mal kirgüzgenliki؛ süriye mesiliside türkiye xelq'aragha, süriye hökümitining xelqni basturushigha süküt qilmasliq kérek, dep jakarlap kéliwatqanliqi, emma xitay bolsa süriyining ichki ishigha arilashmasliq kérek dep jakarlap kéliwatqanliqi؛ Uyghurlar shi jinpinggha qarshi namayish qilip, xitayning dölet bayriqini köydürgenliki, shi jinping bolsa türkiyidin Uyghurlarning xitaygha qarshi heriketlirini toxtitishni otturigha qoyghanliqidek ixtilaplarda héchqandaq muresse bolmighan bolsimu, emma türkiye bilen xitay shirketliri yenila ixtilaplarni qayrip qoyup, 1 milyard 380 milyon amérika dolliriliq kélishim imzalashqa kélishti.