Türkiye tashqi ishlar ministiri dawut oghlu qeshqer we ürümchi qatarliq sheherlerde ziyarette bolidu

Türkiye tashqi ishlar ministiri dawut oghlu kéler heptide xitay tashqi ishlar ministiri yang jéchining resmiy teklipi boyiche xitayni ziyaret qilip, ikki dölet munasiwetliri heqqide pikir almashturidu.
Muxbirimiz ümidwar
2010-10-24
Élxet
Pikir
Share
Print

Dawut oghlu bu sepiride mexsus Uyghur éligha kélip, qeshqer we ürümchi sheherlirini ziyaret qilidiken.

Bu xewer türkiye we xitay metbu'atliri teripidin tarqitilghandin kéyin, Uyghur élining ichi - sirtidiki bir qisim Uyghurche tor betlermu bu heqte uchur élan qildi. Mezkur seper xitay bash ministiri wén jyabaw yéqinda türkiyini ziyaret qilip, ikki dölet arisida 8 parche kélishim imzalighan hemde ikki dölet munasiwetliri resmiy istratégiyilik shériklik derijisige kötürülgendin kéyinki weziyette emelge ashurulush aldida turmaqta.

2009 - Yili, 6 - ayda tunji qétim türkiye prézidénti abdulla gul ürümchini ziyaret qilghan hemde bir hepte ötkendin kéyin 5 - iyul ürümchi weqesi yüz bergen idi.

Türkiye bash ministiri tayip erdoghan shu chaghda xitayni étnik qirghinchiliq we assimilyatsiye siyasiti yürgüzgenliki bilen qattiq eyibligen bolsimu, biraq xitay terep qattiq inkas qayturmay, arqimu - arqidin türkiyige wekiller ewetip, ürümchi weqeside köp sandiki ölgüchilerning Uyghurlar emes, belki xitaylar ikenlikini ispatlashqa tirishqan idi.

Weqe yüz bérip bir yildin artuq waqit ötüp, xitay bilen türkiye munasiwetliri qoyuqlishish halitige keldi. Türkiye terep bolsa, xitaygha Uyghurlarni ikki dölet munasiwetliridiki köwrük qilish teshebbusini otturigha qoyghan.
 
Bu türkiye tashqi ishlar ministirining tunji qétim mehmud qeshqerining yurtini ziyaret qilishi bolup hésablinidiken.

 
Toluq bet