Türkiye bash ministiri rejep tayyip erdoghan béyjing tupriqigha qoralsiz dessimidi

Türkiyide chiqidighan yéngi shepeq gézitining xewer qilishiche, türkiye bash ministiri rejep tayyip erdoghan ürümchi ziyaritini axirlashturup béyjinggha kelgende, tunji bolup erdoghanning muhapizetchiliri bilen xitay wezipidarlar otturisida detalash yüz bergen.
Muxbirimiz shöhret hoshur
2012.04.09

Melum bolushiche, ayropilan béyjinggha qon'ghandin kéyin muhapizetchilerning qoralliri qachilan'ghan aptomobil derhal yétip kelmigen. Buning bilen muhapizetchiler xitay wezipidarlargha öz qoralliri qoligha tegmey turup erdoghanning ayropilandin chüshmeydighanliqini bildürgen we erdoghan ayropilanda yérim sa'ettin artuq saqlighan.

Weqege alaqidar widiyo xewerliridin melum bolushiche, bu arida türk muhapizetchiler bilen xitay wezipidarlar arisida qopal shekilde talash-tartish yüz bergen. Türk muhapizetchiler qorallirini qoligha alghandin kéyinla, rejep tayyip erdoghan ayropilandin chüshken. Türk muhapizetchiler, detalashning yüz bérishige xitay terepning seweb bolghanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.