Türkmenistanda prézidént saylimi

Türkmenistanda yekshenbe küni prézidént saylimi ötküzüldi. Ferghane uchur torining yézishiche, bu türkmenistanning 20 yilliq musteqilliq tarixidiki ikkinchi qétimliq prézidént saylimi bolup, 8 namzat prézidéntliq ornini talishidu. Bularning ichide hazirqi prézidént gurban'gul berdimuhemmedofmu bar. Roytérsning xewer qilishiche, berdimuhemmedof, sabiq prézidént seper murat niyazof tuyuqsiz wapat bolghandin kéyin hakimiyetni igiligen hemde 2007 - yili 89% awaz bilen prézidént bolghan idi. U, bu yil 54 yashqa kirgen.
Muxbirimiz ümidwar
2012.02.12

Deslepki hökümdila sabiq prézidént gurban'gul berdimuhemmedofning ghelibe qazinip, yene ikkinchi qétim prézidént bolidighanliqi melum. Chünki, inkaslarda uning riqabetchilirining unche küchlük emesliki éytilmaqta.

Pütün türkmenistan boyiche 2307 saylam ponkiti tesis qilin'ghan bolup, 2milyon 987 mingdin artuq adem saylamda bélet tashlashqa qatnashqan shuningdek yene xelq aliq jemiyetlerning we teshkilatlarning közetküchiliri saylam jeryanini közitishke qatnashqan. Biraq yawropa bixeterlik we hemkarliq teshkilati közetküchi ewetmigen.

Türkmenistan türkmenlerni asasiy gewde qilghan mol néfit we tebi'iy gaz zapisigha ige memliket. Bu dölette türkmenlerdin bashqa özbékler, ruslar, qazaqlar we bashqa az sandiki étnik guruppilar yashaydu. Bularning arisida texminen 130 yilning aldida ili wadisidin köchüp barghan Uyghurlarning ewladlirimu bar. Ular asasliqi bayram ali, mari qatarliq sheherlerde yashaydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.