7000 كىلومېتىرلىق مۇساپىگە ئىگە بولغان بۇ تەبىئىي گاز تۇرۇبىسىنىڭ قۇرۇلۇشى 2007 - يىلى باشلانغان بولۇپ، تۈركمەنىستان - خىتاي ئىككى دۆلەت كېلىشىم ھاسىل قىلىپ، تۈركمەنىستاننىڭ تەبىئىي گازىنى خىتايغا توشۇيدىغان 30 يىللىق تەبىئىي گاز تىجارىتىگە ئىمزا قويغان ئىدى. بۇ تەبىئىي گاز تۇرۇبىسى ئارقىلىق تۈركمەنىستان خىتايغا ھەر يىلى 30 مىليارد كۇب مېتىر تەبىئىي گاز يەتكۈزىدىكەن.
خىتاي بىلەن تۈركمەنىستان بۇ كېلىشىمگە 6 - ئايدا قول قويغان. ئەمما خىتاي تەرەپنىڭ تۈركمەنىستانغا بۇ گازنى سېتىۋېلىش ئۈچۈن قانچىلىك پۇل تۆلىگەنلىكى ئاشكارىلانمىغان. خەۋەرلەردىن مەلۇم بولۇشىچە، خىتاي يەنە تۈركمەنىستاننىڭ دۆلەتلىك تەبىئىي گاز شىركىتىگە 4 مىليارد دوللار قەرز بېرىشكىمۇ ۋەدە قىلغان ئىكەن.