Uyghur rayonidiki emgek bilen özgertiliwatqanlargha wetenperwerlik terbiyisi élip bérilghan

Uyghur rayonidiki emgek bilen terbiyilesh merkezliride wetenperwerlik terbiyisi pa'aliyiti élip bérilghan. Melum bolushiche, Uyghur rayonida hazir élip bériliwatqan wetenperlik terbiyisidin emgek bilen terbiyilesh meydanidikilermu nésiwisini alghan bolup, Uyghur rayonluq emgek bilen terbiyilesh idarisi Uyghur aptonom rayonidiki barliq emgek bilen özgertish meydanlirida bu pa'aliyetni qanat yaydurghan.
Muxbirimiz irade
2010.10.07
Share on WhatsApp
Share on WhatsApp

Shinjang özgertish toridin melum bolushiche, da'iriler bu arqiliq emgek bilen terbiyiliniwatqanlar we zeher tashlighuchilarning weten'ge bolghan sadaqitini shundaqla güzel bir shinjang qurup chiqishqa bolghan ishenchisini, partiyining halqima tereqqiyat pilanining Uyghur rayonigha menpe'et élip kélidighanliqigha bolghan ishenchisini ashurushni meqset qilghan iken.

Xitay da'iriliri 5 - iyul ürümchi weqesidin kéyin Uyghur rayonining her sahe, her qatlamlirida " wetenni söyüsh" terbiyisi xizmitini küchep élip bérip, buni barliq xizmetlerning aldinqi sherti qilmaqta. Ular hetta Uyghur rayonidiki diniy zatlar arisidimu wetenperwerlik toghrisida wez - nesihet éytish musabiqisi uyushturghan. Meschitte élip bérilghan bu musabiqe chet'ellerdiki diniy zatlar we Uyghur pa'aliyetchilirining küchlük tenqidige uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.