Turpandiki Uyghur tijaretchiler asasliq orunni igileydighan bir soda bazirigha ot kétip, nurghun ziyan kélip chiqqan

Turpan shehiridiki Uyghur tijaretchiler asasliq orunni igileydighan bir soda bazirigha ot kétip, Uyghurlarning nurghun malliri köyüp ketken.
Muxbirimiz erkin
2012.12.07

Ot apiti bu yil 9-ayning axirlirida yüz bergen bolsimu, biraq yerlik hökümet hazirghiche apetke uchrighan tijaretchilerni qandaq orunlashturush, ularning tölem we bashqa jehettiki yardem ishlirini qandaq bir terep qilish heqqide héchqandaq tedbir almighan.

Weqedin xewerdar yerlik puqralarning ilgiri sürüshiche, pütkül bazar ot apitide tamamen köyüp külge aylan'ghan. Ot öchürüsh xadimliri neq meydan'gha kéchikip kelgen.

Gerche yerlik ot öchürüsh orunliri weqe yüz bérip bir qanche kündin kéyin, ot apiti heqqide doklat élan qilghan bolsimu, biraq otning néme sewebtin kélip chiqqanliqini chüshendürmigen. Doklatta peqet közetchiler bixestelik qilish bilen tenqid qilin'ghan. Agahlandurush signalining yaxshi ishlimeydighanliqi, mudapi'e eslihelirining yaxshi emesliki ilgiri sürülgen.

Yerlik puqralarning ilgiri sürüshiche, hökümetning ot apitining kélip chiqish sewebini chüshendürüshtin özini qachurushi, xelq arisida türlük gumanlarni peyda qilghan.

Béziler otning qesten qoyulghanliqini ilgiri sürüp, apetni Uyghurlarni qoghlap chiqirip, bazarni tenha igilesh meqsitidiki kishiler peyda qilghan bolushi mumkinlikini bildürgen.

Bu mezkur bazargha 2‏-qétim ot kétishidur. Buningdin 4 yil awwal mezkur bazargha bir qétim ot kétip, nurghun ziyan kélip chiqqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.