Хоңкоңлуқлар “тйәнәнмен оқуғучилар һәрикити” ниң 23 йиллиқини хатирилиди

Дүшәнбә күни хоңкоңлуқлар “тйәнәнмен оқуғучилар һәрикити” қанлиқ бастурулғанлиқиниң 23 йиллиқи мунасивити билән йиғилиш өткүзүп, мәзкур вәқәдә өлгәнләрниң роһиға атап тилавәт қилишти вә хитай демократийиси үчүн һаятини қурбан қилған оқуғучиларни һәргиз унтуп қалмаслиқ чақириқини оттуриға қойди.
Мухбиримиз җүмә
2012.06.04

Хатириләш паалийити хоңкоңдики векторийә бағчисида өткүзүлгән болуп, мәзкур паалийәткә 150 миң әтрапида адәм қатнашқанлиқи мөлчәрләнмәктә.
Хатириләш паалийитигә қатнашқан хоңкоңлуқ яш чәстон чуң: бу хоңкоңниң кәлгүси иҗтимаий тәрәққияти үчүн бир символлуқ әһмийәткә игә паалийәт. 4-Июн роһи өлгини йоқ; у техи һаят, дегән.

Һалбуки,хитай ахбаратлири “тйәнәнмен оқуғучилар һәрикити” һәққидә һеч қандақ хәвәр бәрмиди, хитай бихәтәрлик даирилири болса 4-июн мәхсус хадим аҗритип, бейҗиң вә башқа җайлардики кишилик һоқуқ актиплирини тутқун қилди.

Хәвәрләргә қариғанда, хитай даирилири бейҗиңниң муһим җайлириниң һәммисигә мәхпий көзәткүчиләрни орунлаштурған вә бейҗиңдики әрздарларниму йиғивалған.

Хитай һөкүмити 23 йилдин буян тийәнәнмен вәқәсиниң “әксилинқилабий вәқә” икәнликини тәкитләп, вәқәни бастуруш җәрянида бигунаһ өлүп кәткән амма вә оқуғучиларниң аилә тавабиатлиридин җамаәт алдида әпу сориғини йоқ.

Әмма, хоңкоңлуқлар һәр йили һәр хил паалиәйтләрни өткүзүп, тйәнәнмен вәқәси вә вәқәдә қурбан болғанларни хатириләп кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.