Җя чиңлиң уйғур районида йәнә 'үч хил күчләргә қаттиқ зәрбә бериш'ни тәкитлигән

Хитай мәмликәтлик сиясий кеңәшниң рәиси җя чиңлиң уйғур райониға қаратқан зиярити җәрянида аталмиш "үч хил күчләргә қаттиқ зәрбә бериш" ни қайта тәкитлигән.
Мухбиримиз ирадә
2010.08.23

Игилинишичә, җя чиңлиң или областидики зияритидә қилған сөзидә, йәрлик даириләрдин аталмиш "диний әсәбийлик, бөлгүнчилик вә террорлуқтин ибарәт үч хил хил күчләргә қаттиқ зәрбә берип, җәмийәт муқимлиқиға, милләтләр иттипақлиқиға капаләтлик қилиш" ни тәкитлигән.

Шинхуа агентлиқиниң хәвәр қилишичә, һазир уйғур районида зиярәттә болуватқан мәмликәтлик сиясий кеңәшниң рәиси җиячиңлиң шәнбә күни хотәндә зиярәттә болуп, хотәндики диний затлар билән учришиш елип барған.

Җячиңлиң диний затлардин "мәңгүлүк әминлик" үчүн күч чиқиришини тәләп қилған. У диний затларға партийә вә һөкүмәтниң диний хизмәтләргә көңүл бөлүп кәлгәнликини, диний паалийәтләрни қаттиқ қоллап кәлгәнликини ейтқан.

Әмма, хитай даирилири уйғурларниң үстидики диний бесимни күндин - күнгә ашуруп бармақта. Радиомиз игилигән учурлардин мәлум болушичә, хитай даирилири рамизан мәзгилидә уйғурларниң әркин роза тутушиғиму қаттиқ тосқунлуқ қилған. Һәрқайси йәрлик даириләр уйғур ашханилириға роза мәзгилидә содисини тохтатмаслиқ һәққидә буйруқ чүшүргән. Оқуғучи - оқутқучиларға мәҗбурий һалда тамақ йегүзүш, әмәл қилмиғанларға мәмурий җаза бериштәк вастиларни ишқа салған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.