Jya chingling Uyghur rayonida yene 'üch xil küchlerge qattiq zerbe bérish'ni tekitligen

Igilinishiche, jya chingling ili oblastidiki ziyaritide qilghan sözide, yerlik da'irilerdin atalmish "diniy esebiylik, bölgünchilik we térrorluqtin ibaret üch xil xil küchlerge qattiq zerbe bérip, jem'iyet muqimliqigha, milletler ittipaqliqigha kapaletlik qilish" ni tekitligen.

Shinxu'a agéntliqining xewer qilishiche, hazir Uyghur rayonida ziyarette boluwatqan memliketlik siyasiy kéngeshning re'isi jiyachingling shenbe küni xotende ziyarette bolup, xotendiki diniy zatlar bilen uchrishish élip barghan.

Jyachingling diniy zatlardin "menggülük eminlik" üchün küch chiqirishini telep qilghan. U diniy zatlargha partiye we hökümetning diniy xizmetlerge köngül bölüp kelgenlikini, diniy pa'aliyetlerni qattiq qollap kelgenlikini éytqan.

Emma, xitay da'iriliri Uyghurlarning üstidiki diniy bésimni kündin - kün'ge ashurup barmaqta. Radi'omiz igiligen uchurlardin melum bolushiche, xitay da'iriliri ramizan mezgilide Uyghurlarning erkin roza tutushighimu qattiq tosqunluq qilghan. Herqaysi yerlik da'iriler Uyghur ashxanilirigha roza mezgilide sodisini toxtatmasliq heqqide buyruq chüshürgen. Oqughuchi - oqutquchilargha mejburiy halda tamaq yégüzüsh, emel qilmighanlargha memuriy jaza bérishtek wastilarni ishqa salghan.