Үрүмчидики бир қисим уйғур дуканлириниң вивискилири елип ташланди
2012.12.18
Уйғур биз тор бекитиниң хәлқара тор бекитидә елан қилинған бу һәқтики хәвәрдә дейилишичә, уйғурларниң тиҗарәт дуканлиридики вивискиларниң мәҗбурий еливетилиши дукан игилиригә иқтисади зиян елип кәлгән. Әмма уйғурларниң дуканлиридин 500 метир йирақлиқтики хитайлар ачқан достлуқ сода дукининиң вивискисида уйғурчә хәт йезилмиған болсиму униңға чарә көрүлмигән. Достлуқ сода сарийи қатарлиқ уйғурчә йезиқ йезилмиған нурғунлиған хитай дуканлириниң вивискилириниң өз җайида турувериши уйғурлар арисида ғулғула пәйда қилди.
Уйғур аптоном райониниң аптономийә қанунида һәмдә һөкүмәтниң идарә, орган вә аммиви сорунларниң вивискилири һәққидики бәлгилимилириниң һәммисидә, уйғурчә вә хитайчә йезиқни өлчәмлик һалда биллә йезиш тәләп қилинған. Әмма, йеқиндин буян уйғур аптоном районидики көплигән аммиви сорунлардики вивискиларда пәқәтла хитайчә йезиқниң йезилиши яки уйғурчә йезиқ йезилған һаләттиму, хитайчә хәтләрниң үстигә яки астиға кичик һәм көрүмсиз қилип, имласиғиму диққәт қилмиған һаләттә йезилиши узундин буян уйғурларниң наразилиқини қозғап келиватқан мәсилиләрниң бири иди.
Көп көрүлгән хәвәрләр
RFA
- Үрүмчидики мәшһур бина—“рабийә қадир сода сарийи” ниң чеқиветилгәнлики дәлилләнди
- Канада һөкүмитиниң он миң уйғурни орунлаштурушиниң тунҗи қәдими мувәппәқийәтлик бесилди
- “уйғур сәнәт көргәзмиси” гә яндашқан уйғур қирғинчилиқи муһакимә йиғини башланди
- Ришат аббас америка дөләт мәҗлисидә уйғур тили, мәдәнийити вә хатирисини қоғдашқа техиму көп иқтисад аҗритишқа чақирди
- Нури түркәл: “американиң анамни әкелишини уйғурларға көрситиватқан ғәмхорлуқиниң ипадиси, дәп қараймән”