Ürümchidiki bir qisim Uyghur dukanlirining wiwiskiliri élip tashlandi

Uyghur biz tor békitining xelq'ara tor békitide élan qilin'ghan bu heqtiki xewerde déyilishiche, Uyghurlarning tijaret dukanliridiki wiwiskilarning mejburiy éliwétilishi dukan igilirige iqtisadi ziyan élip kelgen. Emma Uyghurlarning dukanliridin 500 métir yiraqliqtiki xitaylar achqan dostluq soda dukinining wiwiskisida Uyghurche xet yézilmighan bolsimu uninggha chare körülmigen. Dostluq soda sariyi qatarliq Uyghurche yéziq yézilmighan nurghunlighan xitay dukanlirining wiwiskilirining öz jayida turuwérishi Uyghurlar arisida ghulghula peyda qildi.

Uyghur aptonom rayonining aptonomiye qanunida hemde hökümetning idare, organ we ammiwi sorunlarning wiwiskiliri heqqidiki belgilimilirining hemmiside, Uyghurche we xitayche yéziqni ölchemlik halda bille yézish telep qilin'ghan. Emma, yéqindin buyan Uyghur aptonom rayonidiki köpligen ammiwi sorunlardiki wiwiskilarda peqetla xitayche yéziqning yézilishi yaki Uyghurche yéziq yézilghan halettimu, xitayche xetlerning üstige yaki astigha kichik hem körümsiz qilip, imlasighimu diqqet qilmighan halette yézilishi uzundin buyan Uyghurlarning naraziliqini qozghap kéliwatqan mesililerning biri idi.