Washin'gtonda ürümchi weqesining bir yilliqi heqqide yumilaq üstel söhbiti ötküzüldi

Bügün amérika paytexti washin'gtonda "derdimizni anglaydighan adem barmu, 2009 - yilidiki ürümchi weqesidin sadalar " mawzuluq yumilaq üstel söhbiti ötküzüldi.
Muxbirimiz irade
2010-07-01
Share

Mezkur yighinni amérikidiki démokratiyini ilgiri sürüsh fondi, dunya Uyghur qurultiyi we amérika Uyghur birleshmisi birlikte uyushturghan.

Yighin'gha kishilik hoquqni közitish teshkilati asiya ishliri mudiri sofi richardson, chégrisiz muxbirlar teshkilatining washin'gton ishxanisi mudiri klosild likoz, amérika dölet mejlisige qarashliq tam lentus kishilik hoquq komitétining démokratlar wekilliri mudiri hans hogrifi we amérika dölet mejlisi xitay ishliri ijra'iye komitétining adwokatliq xizmiti diréktori kara abramson xanim qatarliq muhim shexs we orunlar qatnashti.

Yighinda 5 - iyul weqesining sewebliri we netijisi toghrisida doklat bérilgen we bu heqte munaziriler élip bérildi. Yighinning birinchi bölikide, 5 - iyul ürümchi weqesining ikki guwahchisi 5 - iyul ürümchi namayishining basturulush jeryani we 7 - iyuldiki xitay puqralirining Uyghurlargha hujum qilish weqeliri we öz béshidin ötküzgen we körgen weqelirini bayan qildi.

Guwahchi Uyghurlarning sözliri intayin tesirlik boldi. Hetta bir guwahchi özining béshidin ötküzgen weqeliri we Uyghurlar yoluqqan paji'elerni bayan qilish jeryanida köz yéshini tutalmidi. Bu kishining bayanliri yighin ehlinimu intayin tesirlendürdi.

Yighinning ikkinchi bölikide, rabiye qadir xanimning mezkur yighin üchün teyyarlighan nutqi oqup ötüldi. Nutiqini d u q mu'awin re'isi ömer qanat sundi.

Yighinda yene, amérika démokratiyini ilgiri sürüsh fondi jem'iyitining prézidénti karl gérshmin söz qildi. U sözide Uyghurlarning kishilik hoquq, démokratiye heriketlirige iqtisadiy jehettin yardem bérishni toxtatmaydighanliqini, hetta mumkin bolsa yardem bérish sommisini köpeytidighanliqini bildürdi.

Yighin'gha her sahe kishiliridin bolup 70- 80 etrapida kishi qatnashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.