Хитай үрүмчидики диний затларға '4ни қоғдаш' тәлим - тәрбийә һәрикити башлиған

Йәрлик хитай һөкүмити 1 - апрелдин башлап үрүмчидики диний затларға "4ни қоғдаш" тәлим - тәрбийә һәрикити башлиған. Шинхуа агентлиқида көрситишичә, мәзкур һәрикәт бир ай давам қилидикән.
Мухбиримиз җүмә
2010-04-03
Share

Бу нөвәт башланған "4 ни қоғдаш" һәрикити, " милләтләр иттипақлиқини қоғдаш, җәмийәт муқимлиқини қоғдаш, дөләтниң бир пүтүнлүкини қоғдаш вә қанунниң абруйини қоғдаш" қатарлиқларни өз ичигә алидикән.

Мәлум болушичә, 1 - апрел йәрлик һөкүмәт даирилири үрүмчи диний саһәсигә "төтни қоғдаш тәрбийиси һәрикитигә сәпәрвәрлик қилиши йиғини" ачқан. Тәрбийә район, наһийә, идарә вә орган, қатарлиқ төт қатлам бойичә елип берилидикән.

Тәлим -тәрбийә һәрикити җәрянида үрүмчи шәһәрлик бирлик сәп, мәхсус мутәхәссис тәклип қилип курсантларға ликсийә сөзләйдикән.

Йиғинда, үрүмчи шәһәрлик бирлик сәп бөлүминиң башлиқи абдурәһим аблиз тәлим тәрбийә җәрянида өгәнгән билимләрни " диний хизмәт әмәлийитигә аңлиқ һалда бирләштүрүп, диний сиясәттә чиң туруп, қанун - низамнамиләр йол қойған асаста һәрикәт елип бериш керәклики"ни тәкитлигән.

У йәнә диний затларниң "алаһидә вәзипиләрни өз зиммисигә алған асасий қатламдики алаһидә кадирлиқ ролини толуқ җари қилдуруп, динға ишәнгүчи амма арисида "төтни қоғдаш" тәлим -тәрбийиси қанат яйдуруш, вә мәвқәси ениқ һалда "3 хил күчләр" гә қарши күрәш қилишни тәләп қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт