Xitay, ürümchidin yolgha chiqqan yoluchilar ayropilanigha ot qoyushqa urun'ghan ikki ademni qolgha alghanliqini ilgiri sürgen

Xitay axbaratliri shenbe küni tarqatqan xewerlerge qarighanda, xitay da'iriliri Uyghur élidin xitay shehirige qarap yolgha chiqqan yoluchilar ayropilanigha ot qoyushqa urun'ghanliqi guman qilin'ghan ikki ademni qolgha alghanliqini ilgiri sürgen.
Muxbirimiz jüme
2010-01-30
Élxet
Pikir
Share
Print

Shinxu'a axbaratida xewer qilinishiche, weqe yüz bergen CZ 6939 nomurluq yoluchilar ayropilani Uyghur élidin xitayning wuxen shehirige qarap yolgha chiqqan iken.

Xewerde neqil qilinishiche, mezkur ayropilan'gha chiqqan ikki neper yoluchi ayropilanning hajetxanisida taziliq qeghizini köydürüp, ayropilan'gha ot qoymaqchi bolghan. Bularning biri er yene biri ayal iken. Xitay saqchiliri bularning qolgha élin'ghanliqi, ayropilanning ürümchige qayturup kélin'genliki we nöwette mezkur déloning tekshurülüwatqanliqini ilgiri sürgen. Emma bularning millet terkibi hazirche namelum.

Xitay da'iriliri 2008 - yili martta, bir Uyghur qizning Uyghur élidin béyjinggha qarap yolgha chiqqan bir yoluchilar ayropilanini partlitishqa urun'ghanliqi, ayropilanning lenju shehiride qondurulup we Uyghur gumandarining qolgha élin'ghanliqini bildürgen.

Halbuki xitayda ilgiri bu weqe we weqe gumandari Uyghur qizi heqqide tepsiliy melumat bermigen idi.

Shundaqla, bu weqening xitay 2008 - yildiki olimpik bixeterlikini qattiq tekitlewatqan mezgilge toghra kelgenliki közetchiler arisida guman qozghighan idi.

Toluq bet