Ürümchide jinayet gumandarlirining gheyriy normal ölümi heqqide tekshürüsh élip bérilghan

Shinjang tinchliq torining xewer qilishiche, ürümchi sheherlik saqchi idarisi mushu ayning 20 ‏- küni ürümchidiki bir qisim saqchixanilarda tekshürüsh élip bérip, jinayet gumandarlirining gheyriy normal ölüp kétish weqesi heqqide melumat igiligen we saqchilargha bu heqte bir qatar telimatlar bérilgen. Tekshürüsh, sheherlik saqchining 5 kishidin teshkillen'gen intizam tekshürüsh guruppisi teripidin élip bérilghan.
Muxbirimiz shohret hoshur
2010-10-26
Share

5 - Iyul weqesidin kéyin tutqun qilin'ghan jinayet gumandarlirining qattiq qiyin - qistaqqa élin'ghanliqi, bularning bezilirining qamaqxanida, bezilirining qamaqtin qoyuwétilgendin kéyin ölüp ketkenliki heqqide resmiy we gheyriy resmiy axbarat wastilirida köp qétimlap xewerler tarqalghan idi.

Bularning ichide 5 ‏- iyul tutqunliridin shöhret tursunning qorghas nahiyisidiki qamaqxanida saqchilar teripidin urup öltürülüsh weqesi dunyagha ashkarilan'ghan idi.
 
Shinjang tinchliq torining bügünki xewiride bildürülüshiche, ürümchi sheherlik saqchi idarisining bu qétimqi tekshürüshi asasliqi, at beyge meydani, tashbulaq (xéyjyasen) we ghalibiyet yoli saqchixanisi qatarliq Uyghurlar köp olturaqlashqan rayonlardiki saqchixanilarda élip bérilghan.

Buningdin qarighanda, Uyghurlar olturaqlashqan rayonidiki saqchixanilarda jinayet gumandarlarning gheyri normal ölüm weqesi köp yüz bergenliki melum bolmaqta. Emma, xewerde sheherlik saqchi idarisining mezkur tekshürüshini Uyghur ammisi ichidin kelgen naraziliq inkaslirigha asasen we yaki xelq'ara jama'et pikrining bésimi bilen béyjingdin kelgen buyruqqa asasen élip barghanliqi heqqide melumat bérilmigen.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet