Хитай һөкүмити үрүмчидә китап көйдүрүшни пиланлиған

4 ‏ - Айниң 26 ‏ - күни 'дуня билим һоқуқи күни' иди. Хитайниң аптоном районлуқ парткоми дәл мушу күндә, үрүмчидики хәлқ мәйданида, дуня билим һоқуқи күнини хатириләш дегән нам астида китап көйдүрүшни пиланлиған.
Мухбиримиз вәли
2009.04.25
Share on WhatsApp
Share on WhatsApp

Хитайниң 'шинҗаң хәвәр тори' да тәсвирлинишичә, йеқинда үрүмчидә 'қанунсиз нәшр буюмлири' ямрап кәткән. Хитай һөкүмити буни бастуруш үчүн, үрүмчидики хәлқ мәйданида 668 миң 214 парчә нәшрият буюмлирини көйдүрүшни пиланлиған. Буниң ичидә 142 миң 323 парчә китаб - журнал, 125 миң 250 парчә календар, 71 миң 840 парчә тәшвиқ вариқи бар икән.

Хәвәрдә ашкарилинишичә, йеқинда хитайниң аптоном районлуқ партком тәшвиқат бөлүм башлиқи ли йи, җуңго қурулғанлиқиниң 60 йиллиқини тәбрикләш үчүн, сясий, диний мәзмундики қанунсиз нәшир буюмлирини 'сериқ вә қанунсиз нәшр буюмлириға зәрбә бериш' хизмитиниң муһим бир қисми қилишни буйриған икән.

Хитай коммунист һөкүмити йиллардин буян уйғур юртлирида хитайчә мәдәнийәт тикләш үчүн, миллий, дини мәзмундики нәшир буюмлирини қаттиқ чәкләп кәлмәктә. 2001 Йили қәшқәр дә уйғурчә тарих, мәдәнийәт, һүнәр - кәсип мәзмунидики китабларни көйдүрүшни башлиған иди. Шуниңдин кейин үрүмчидиму китап көйдүргән иди.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.