خىتاي مەتبۇئاتلىرىنىڭ بۇ ھەقتىكى سۈرەتلىك خەۋەرلىرىدە كۆرسىتىلىشىچە، پارتلاش ۋە ئوت يالقۇنىدىن كۆتۈرۈلگەن ئىس - تۈتەكلەر ئاسماننى قاپلىغان، ئۈرۈمچى شەھىرىنىڭ باشلىقى جارۇللا ھېسامىدىن قاتارلىقلار نەق مەيدانغا يېتىپ كېلىپ، ۋەقەنى كۆزەتكەن.
بۇ قېتىملىق پارتىلاشنىڭ كۆلىمىنىڭ بىر قەدەر زور بولغانلىقى مەلۇم بولماقتا. ئەمما، خىتاي مەتبۇئاتلىرى ھازىرغىچە بۇ پارتىلاشنىڭ ئوت ئاپىتىدىن كېلىپ چىققانلىقىنى خەۋەر قىلىۋاتقان بولسىمۇ، لېكىن نېمە سەۋەبتىن مەزكۇر ۋەقە كېلىپ چىققانلىقى شۇنىڭدەك خىمىيىلىك ماددىلار بار بۇ زاۋۇتتىكى پارتىلاشنىڭ مۇھىتقا ھەمدە كىشىلەرنىڭ تەن - ساغلاملىقىغا تەسىر كۆرسىتىش دەرىجىسىنىڭ قانچىلىك ئىكەنلىكى ھەققىدە ئېنىق ئۇچۇر بېرىلمىگەن.