Ürümchi ayrodromi yénidiki bir zawutta partlash yüz berdi

25 - Séntebir küni axshimi ürümchi ayrodromi yénidiki bir plastik matériyallar zawutida partlash yüz bergen bolup, amérika birleshme agéntliqining xewer qilishiche, gerche bu weqede ölüm - yétim hadisisi körülmigen bolsimu, biraq zawutqa yéqin jaylashqan ürümchi xelq'ara ayrodromi bir sa'et etrapida xizmitini toxtitishqa, 15 ayropilanning uchush - chüshüshi kéchiktürülüshke toghra kelgen.
Muxbirimiz ümidwar
2010.09.26
Share on WhatsApp
Share on WhatsApp

Xitay metbu'atlirining bu heqtiki süretlik xewerliride körsitilishiche, partlash we ot yalqunidin kötürülgen is - tütekler asmanni qaplighan, ürümchi shehirining bashliqi jarulla hésamidin qatarliqlar neq meydan'gha yétip kélip, weqeni közetken.

Bu qétimliq partilashning kölimining bir qeder zor bolghanliqi melum bolmaqta. Emma, xitay metbu'atliri hazirghiche bu partilashning ot apitidin kélip chiqqanliqini xewer qiliwatqan bolsimu, lékin néme sewebtin mezkur weqe kélip chiqqanliqi shuningdek ximiyilik maddilar bar bu zawuttiki partilashning muhitqa hemde kishilerning ten - saghlamliqigha tesir körsitish derijisining qanchilik ikenliki heqqide éniq uchur bérilmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet