Ürümchide turushluq qoralliq saqchi qisimliri tarixiy teshwiqat - terbiye herikiti élip barmaqta

Ürümchining Uyghurlar bir qeder zich olturaqlashqan tengri tagh rayonigha orunlashturulghan mexsus muqimliq weziyitini kapaletke ige qilish wezipisi yüklen'gen qoralliq saqchi 8660 - nomurluq qisimi ötken yilidiki ürümchi weqesini tinjitishta muhim rol oynighan bolup, mezkur qisim hazir ürümchi shehiri we ili qatarliq jaylarda muqimliqni qoghdash wezipisini atqurush jeryanida türlük chare - tedbirlerni qollanmaqta. Ene shularning biri xitay re'isi xu jintawning ürümchi weqesi munasiwiti bilen mexsus Uyghur éli weziyitige asasen chiqarghan "tötni tonush" sho'arini keng teshwiq qilish bolup hésablinidu.
Muxbirimiz ümidwar
2010-08-01
Share

Mezkur qoralliq saqchi qisimi "tötni tonush" teshwiqatida tarixiy terbiyini kücheytken bolup, ular mexsus xitayning "elni idare qilish örnekliri", " 25 tarix", " shinjangning tarixi we tereqqiyati" qatarliq kitabliridiki Uyghur éligha a'it matériyallarni toplap, shinjangning ezeldin junggoning bir qisimi bolghanliqidin ibaret nuqti'iynezerni chöridigen halda mexsus tarixiy teshwiqat matériyali tüzüp, buni tengri tagh rayoni tewesidiki ahalilargha, asasliqi Uyghurlargha, yash oqughuchilar we bashqilargha teshwiq qilghan.

Shinxu'a agéntliqi élan qilghan mezkur qisim heqqidiki maqalide yézilishiche, bu qoshunning asasliq teshwiqat nuqtilirining biri shinjang uniwérsitéti bolup, ötken yili 8 - ayda mezkur qisim bilen shinjang uniwérsitéti hemkarliq ornitip, oqughuchilar arisida teshwiqatni qanat yaydurghan. Maqalidin melum bolushiche, bu qétimqi teshwiqat pa'aliyetliride tarixiy teshwiqat asasliq nezeriye salmiqini igiligen bolup, ilgiri tarixchilar we siyasiyonlar "shinjang tarixi " sözligen bolsa, mana emdi herbiy - qoralliq saqchilar tarix sözleshke bashlighan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet