Үрүмчидә явро - асия йәрмәнкиси башланди

2 - Сентәбир күни үрүмчи шәһиридә явро - асия йәрмәнкиси дағдуғилиқ ечилиш мурасими билән рәсмий башланди. Бу қетимқиси явро - асия йәрмәнкисиниң 2 - қетимлиқи болуп, хитай учур мәнбәлиридә ейтилишичә, хитай мәркизи һөкүмити явро - асия йәрмәнкисигә алаһидә әһмийәт бәргәнлики үчүн хитай баш министири вен җабав үрүмчигә келип, йиғинниң ечилиш мурасимида сөз қилған.
Мухбиримиз үмидвар
2012-09-02
Share


Шинхуаниң йезишичә, вен җабав ечилиш мурасимида сөзлигән сөзидә муқим тинч вәзийәтни қоғдашниң зөрүрликини алаһидә тәкитлигән һәмдә "шинҗаңниң хитайниң явро - асиядики һәр қайси дөләтлири билән, болупму қошна дөләтләр билән болған өзара пайдилиқ һәмкарлиқ мунасивәтлиридики көврүк" икәнликини әскәрткән.

явро - асия йәрмәнкисиниң ечилиш мурасимиға пәқәт оттура асиядики бир қанчә мәмликәтләрдин башқа мәмликәтләр юқири дәриҗилик дөләт рәһбәрлирини әвәтмигән. Пәқәт қирғизистан президенти алмасбек атанбайеф йиғинға қатнашқан әң юқири дәриҗилик чәтәл рәһбиридур.

Йиғинда атанбайеф вә таҗикистан баш министири ақилоф, қазақистан баш министири кәрим мәсимоф қатарлиқлар сөз қилған.

Хәвәрләрдин мәлум болушичә, үрүмчи йәрмәнкиси җәрянида үрүмчи шәһиридә бихәтәрлик вә назарәт қилиш хизмәтлирини күчәйткән болуп, хитай җамаәт хәвпсизлик министирликиниң терроризмға қарши туруш мәркизиниң мәсуллиридин ли вей қатарлиқлар алаһидә үрүмчигә келип, бихәтәрликни қоғдаш әһваллирини тәкшүргән һәм йетәкчилик қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт