Үрүмчидә көчмә нопусларға болған контроллуқ күчәйтилмәктә

Минбав гезитиниң хитай һөкүмәт мәтбуатлиридин нәқил елип йезишичә, үрүмчи даирилири бу шәһәрдики өй иҗарә елип туриватқан көчмә нопусларға болған тәкшүрүшни күчәйткән.
Мухбиримиз үмидвар
2009.08.09

Хәвәрдә ейтилишичә, һөкүмәт тармақлириниң үрүмчи шәһириниң тәңритағ райониниң чиқарған еланлирида 5 - июл вәқәсигә қатнашқанларниң көпинчисиниң иҗарә елинған өйләрдә турғанлиқи, "иҗарә өйләрниң уларниң зораванлиқ вә террорчилиқ һәрикәтлириниң йошурун нуқтилири болғанлиқини" көрситип, шәһәр пуқралириниң һөкүмәткә маслишиши, өй иҗаригә бәргәнләрниң өзлири турушлуқ райондики  сақчиханиларға берип тизимлитиши һәмдә иҗарикәшләр ичидә гуманлиқ адәм вә яки йошурунғанлар болса дәрһал мәлум қилиши уқтурулған.

Хәвәрдә ейтилишичә, иҗарә өйлири вә көчмә нопусларни рәтләш хизмити 8 - айниң ахириғичә елип берилидикән. Бирақ, минбав гезитиниң хәвиридә хитайниң ичкири өлкилиридин түркүмләп үрүмчи шәһиригә келип, иҗарә өйләрдә туриватқан аққунлар һәққидә һеч немә ейтилмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.