Ürümchide köchme nopuslargha bolghan kontrolluq kücheytilmekte

Minbaw gézitining xitay hökümet metbu'atliridin neqil élip yézishiche, ürümchi da'iriliri bu sheherdiki öy ijare élip turiwatqan köchme nopuslargha bolghan tekshürüshni kücheytken.
Muxbirimiz ümidwar
2009.08.09

Xewerde éytilishiche, hökümet tarmaqlirining ürümchi shehirining tengritagh rayonining chiqarghan élanlirida 5 - iyul weqesige qatnashqanlarning köpinchisining ijare élin'ghan öylerde turghanliqi, "ijare öylerning ularning zorawanliq we térrorchiliq heriketlirining yoshurun nuqtiliri bolghanliqini" körsitip, sheher puqralirining hökümetke maslishishi, öy ijarige bergenlerning özliri turushluq rayondiki  saqchixanilargha bérip tizimlitishi hemde ijarikeshler ichide gumanliq adem we yaki yoshurun'ghanlar bolsa derhal melum qilishi uqturulghan.

Xewerde éytilishiche, ijare öyliri we köchme nopuslarni retlesh xizmiti 8 - ayning axirighiche élip bérilidiken. Biraq, minbaw gézitining xewiride xitayning ichkiri ölkiliridin türkümlep ürümchi shehirige kélip, ijare öylerde turiwatqan aqqunlar heqqide héch néme éytilmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.